Rymklets Republiek Home

Latest Releases

PreviousNext
Fokkenville – Industry is Kak Gebou
×
JBux – Since 1982
×

See all tracks (18 total) >>

Label: TrueSight Music

Lil Major ft Yummy G – Liefde slat wet
×
Lido – Hip-Hop in My Gene
×
Bockz ft WEP – Is Jou Skuld Buite Beheer
×
Baby Dope – E.P.O.D.
×

See all tracks (5 total) >>

Label: DIY RECORDS
Release date: 17 AUGUST 2015

Fokkenville – Industry is Kak Gebou
JBux – Since 1982
Lil Major ft Yummy G – Liefde slat wet
Lido – Hip-Hop in My Gene
Bockz ft WEP – Is Jou Skuld Buite Beheer
Baby Dope – E.P.O.D.

Podcast

Play this podcast

YOMA – YOMA Sin (Prod by Arrancar)

PlayGo to podcast page
Play this podcast

Dokte – Wakke (Ft. Boere)

PlayGo to podcast page
Play this podcast

EJ Von Lyrik – The Human Condition

PlayGo to podcast page
Play this podcast

Follow Us Home – DJ Azuhl & Various

PlayGo to podcast page
Play this podcast

Youngsta – SALUTAS

PlayGo to podcast page
Play this podcast

Linkris – We Be Movin’ (Feat Andy Mkosi)

PlayGo to podcast page
Play this podcast

Jbux & Schaik – Killers (Truesight Music)

PlayGo to podcast page
Play this podcast

Jbux & Superstar – Superstar

PlayGo to podcast page

Wat Klap

News

Hoekom Rymklets JY?

“Everything we do matter. If we all support each other in our dreams and we reflect that dream in our daily acts, we can be our own.” Rosa Parks

Somtyds doen ons dinge asof dit vanselfsprekend is. Dit is tweede natuur. Jy dink nie eens daaroor nie. Jy haal asem en wonder nie eintlik hoe jou longe werk nie. Jy besef nie die kritiese belangrikheid daarvan tot jy dit verloor nie. Jy aanvaar maar net dat dinge so moet wees en dat enige vrae daaroor niks gaan verander nie.

Ek het in die wetenskaplike deel van Die New York Times ‘n interessante artikel gelees van Carl Zimmer oor ‘n studie of toetse wat wetenskaplikes gedoen het om die kreatiewe skrywers se brein-reaksie te bepaal wanneer hulle sekere skryf-prosesse volg.

Die artikel oor die studie van kreatiewe skrywers se brein-reaksie begin met die volgende statement,(sommer rofweg na Afrikaans oorvertaal);

Op die oog af lyk dit asof die skrywer en die basketbalspeler nie veel in gemeen het nie, maar wanneer jy na die brein se aktiwiteit kyk sal jy sien dat albei se breins ewe besig is.

Duitse Wetenskaplikes het die navorsing gedoen op die skrywers. Van die een groep het hulle verwag om dele te copy en dan daaroor te skryf. Dan was daar ook ‘n voorgeskrewe deel waar die wetenskaplikes aan die skrywers slegs ‘n inleiding van ‘n kort storie gegee het en hulle moes die storie self verder skryf en voltooi. Die wetenskaplikes het brain-scan masjiene gehad om te kyk hoe besig die brein is en al die aktiwiteite wat tydens die twee soorte skryf prosesse plaasgevind het was gedokumenteer. Hulle het die volgende dinge bevind;

1.    Tydens die proses waar die skrywers dele moes ge-copy het, het die wetenskaplikes gevind dat daar geen aktiwiteite op die brein was nie. Om dus onoorspronklik te wees verg nie veel breins nie!! Originality ouens!! Copy cats se breins kry dus nie oefening nie!
2.    Tydens die proses waar die skrywers self moes opkom met oorspronklike stories, was hulle breins op soveel ander dele aktief soos bv in die area waar visie gewek word. Hul bevinding was dat die skrywers dus hul storie kon sien. Ja hulle kon die storie visualiseer!!! By hierdie groep was ook ontdek dat dele van die brein aktiveer was waar BAIE INLIGTING op een slag vasgehou kon word! Soos wat daar meer komplekse en meer uitdagende skryf vernuf vereis was, het die brein se werksverrigting in ander dele ook ingeskop!

Nou ja, die wetenskaplikes kon ook nie heeltemal saamstem oor die manier hoe die toetse gedoen word om die brein se aktiwiteit tydens kreatiewe skryfwerk te bepaal nie maar hulle het oor een ding saamgestem; Dat die eksperiment ‘n stap in die regte rigting is om die kreatiewe skryf proses in die brein te kan bestudeer.

As ‘n kreatiewe skrywer maak die inligting my geweldig baie excited want dit bewys dat ek my vaardighede verder kan ontwikkel en my brein se kapasiteit net verder kan strek as wat dit voorheen was.

In die Rymklets Republiek is daar ‘n magdom van talent en begaafde passievolle rymkletsers en kreatiewe skrywers vir wie hul kuns ‘n ernstige saak is. Ek het met ‘n paar rymkletsers gesels oor hoekom hulle rymklets en elkeen se antwoord het my baie inspireer en waarde toegevoeg tot my eie liefde vir die rymklets kunsvorm. Natuurlik is van die antwoorde uiteenlopend en ek hou daarvan aangesien dit ‘n bewys is van elkeen van ons se unieke persoonlikhede en sienings oor ons geliefde kunsvorm. Wat vir my ook opvallend is, is dat daar soveel ooreenkomste is!

*Neem asb kennis dat ons voortaan ander onderwerpe ook gaan behandel en dat ons jou sal kontak oor deelname aan die onderwerpe wat ons sal dek.

Jerome Rex:
“Wow dis ‘n verbasende diep vraag.
1.    Ek rymklets uit respek vir die groot geeste wat my inspirasie was as kind.
2.    Omdat ek lief is vir die taal en ons mense wat dit praat.
3.    Om mense met ‘n hoopvolle boodskap te bereik.”

Masala Deksildif:
“Ek rymklets omdat it my weg van bendeskap gevat it en my lewe meer betekenis gegee het. Rymklets is ook ‘n powerful tool om die ghetto te inspire”

Slim X:
“Aan die begin was dit maar vir baie superficial redes soos vir roem en geld, maar daai was maar nog hoe ek gedink het as kind. Dis maar net hoe die televisie die beeld van hip-hop in my kop geteken het. Soos die jare geloop het, het ek net lief geraak vir musiek skryf en deesdae doen ek dit asof ek ‘n obsessie het daarmee. Rymklets gee my rede om te leef. Al moet ek alles verloor, sal ek altyd rymklets…”

Chella Eightythree
“Rymklets vir my is ‘n escape van die wêreld af.  ‘n Ander realm waar ek myself kan wees… Vir daai 15 tot 30 minute wat ek op stage is voel ek eers dat ek lewe. Dat ek tuis is in my comfort zone en ek lewe vir die moment wat ek n mic in my hand het. Ek wassie goed in “normal” activities soos soccer, cricket, klopse ect wat kinders my ouderdom gedoen het nie, Ek is nie een om net in die norm te val nie, so toe ek rap gehoor het in Afrikaans, het dit my onmiddelik gelok.  Dankie aan Shaheen en Ready D van P.O.C wat die catalysts was. Krs1, die inspiration en Mr. Fat vir die knowledge… Peace”

Ryno Yuggi

“Daars verskillende fases en ek het maar begin omdat dit kwaai gelyk het op TV en hoe die media die glamour uitgebeeld het. In die Karoo is ons maar weg van opportunities af, so ons kan relate met rappers wat rap van swaarkry en hoe hulle nou geld maak. Dis baie aanloklik en daai was fase nr een.  Maar toe ek begin study en myself leer ken het en die situasie waarin ons lewe begin analiseer, het ek besef ons mense het ‘n stem nodig. Iemand wat saam hulle kan praat en vir hulle kan praat. Dit is die fase waarin ek nou is. Ek vertel ons mense se stories en ek probeer ‘n change bring in jongmense se lewens. Dit voel vir my nou soes ‘n spiritual purpose en nie net soes ‘n hobby nie.. Ons mense in die Karoo het agtergebly en ek voel hulle het baie geestelike kos nodig. Ek ondersteun ook die Khoi movement sodat ons mense kan trots wees op wie hulle is.. en dat laaities van hier beter kan verwag van hulleself en ek gee ook hoop veral hie’ by ons waar daar nie rolmodelle is nie.”

Hakkiesdraad

“My roeping as digter sien digkuns as ‘n verpligting in die weë van Mohammed en Christus. ‘n Straat-joernalis wat dien as ‘n spraakbuis vir sy gemeenskap in tye van teenstand. Met ‘n waarheid. Woorde is kragtig. Die toepaslike aanwending kan swakkes bemagtig. Sienswyses verander. Kwellinge behartig. So verantwoordelikheid op skrif en deur spraak bly ‘n verwagting….en dit is hoekom ek rymklets.”

Galleo  (Tribal Echo)
Al wat ek weet is toe ek jare gelede wou ontsnap het uit ‘n deurmekaar lewe, was rymklets ‘n uitkom kans. Ja, ek het twee bladsye vol geskryf hoekom ek rymklets, maar hoe meer ek geskryf het hoe meer het ek besef dat rymklets nie altyd gaan oor die manier hoe jy iets sê nie maar dat dit gaan oor die inhoud/ lirieke wat jy oordra en jou tydsberekening wanneer jy dit sê. Die ding is ek sien myself as ‘n woordkunstenaar, iemand wat ‘n storie of boodskap het en rymklets die medium of uitgaanklep om my frustrasies, boodskap of my opinies te uiter.

Breimasjien

“Ek Rymklets omdat ek voel ek’s a mouthpiece vir baie mense da’ buite wat klomp feelings / thoughts veberg en diti’ kan uit nie..laa-ang storie wat ek het maar as ek dit kan opsom..Ek was paa’ jaar agte’ geslote deure omdat ek heavy teleurstelling gehad het…Rymklets was dai’ uitlaatpyp-meganisme…Ek kon als forseer deur my pen na blad…Dai’ was my coping-mechanism…Voor dit was dit net virri’ shows…Die hype wat gepaard gegaan het daarmee…Die jongman skap…Nou is Rymklets vir my meer as net woorde stuk en lasse maak…Isse’ gedeelte(element) van hiphop wat groot gedeelte van my denke help om deur te gee aan masses…Hoe dit ook al mag sy..Stokperdjie klink meer asof mens al in gemak is daarmee neh, but dit is my siens wyse..f*k Fame..ek share my thought deur Rymklets virri’ love vannit! Fire!”

Howard Duck (Repjouplek Wenner Weskaap)
“Ek rymklets omdat ek basies ontsnap van die wêreld se donkerte. Ek wou altyd iets bygevoeg het tot die positiewe verandering in ons gemeenskap. Rymklets het na my toe gekom as die antwoord. Die woorde wat ek uiter is 99% oor my lewe en wat ek probeer bereik. Dit is basies ‘n indirekte boodskap aan mense en jeug wat sê; As ek, die Atlantis klong dit kan doen, wat stop jou om jou drome te bereik?” Ek wil net mense gelukkig maak en lekker laat voel met my musiek. En dit is maar basies dit!”

Kwaizone (Repjouplek Wenner Oos-Kaap)

Ek klets ryme omdat dit vir my die beste kunsvorm is waarmee ek myself kan uitleef. Dit het alles begin met my liefde vir woorde. Met rymklets kan ek ‘n prentjie skep vir my luisteraars .Ek kan ‘n storie vertel. Ek kan ryme gebruik om baie te sê. Dit alleenlik is vir my ‘n kosbare ondekking. Dis beter as “sliced bread” vir my en dit voed my siel.

Benjiman Voete
“Som van ons dink ons het gekies om deel te wees van rymklets maar in werklikheid het sy ons gekies om deel te wees van haar want rymklets was nog nooit ‘n opsie nie maar ‘n gawe en hoe kan ek dit begrawe?”

Oxyjin

“Jy as individual kry geleentheid om jou presence known te maak en agter te laat as mense na jou luister wanneer jy die rymklets as medium gebruik. Rymklets beteken soveel meer as jy dit vir jouself en ander doen. Ek glo die vermoeë om met woorde te speel en sin te maak van my emosies kom al van kleins af. Dit begin by invloede van taal en rymelary. Die eerste keer toe ek my ouma hoor bid was dit so ingekleur dat dit lyk asof ons Hemelse Vader  ook ‘n emcee is. My ouma het altyd stories vertel en even haar grappe het metafore ingehad. Dubbelsinnigheid was teenwoordig wanneer sy iets te sê gehad het. Ek kon onthou hoe my ouma altyd vir my gese het;”Jou groot kop soos ‘n siek tier”. As ons in ons geskiedenis kyk as Kullid mense, dan is daar ook sterk evidence van kunstigheid. Die Khoi mense het in grotte teen die muur hul kuns uitgedruk en dit het ‘n storie vertel van hoe hul gejag en wat hulle daaglikse ervarings was. Ek glo ONS is Hip Hop. Hiphop het geen krag sonder mense nie.”

Gavin Richenberg
“Ek het van kleins af gesukel met ‘n spraak probleem en in my tiener jare het dit n baie groot probleem vir my geword. Ek het baie terug getrokke en baie anti sosiaal geraak. My spraak brobleem het gelei na dat ek myself haat omdat kinder ‘n fool gemaak van my, ek kon ook nooit my gevoelens deel sonder dat ek sien my vriende lag vir my nie. Ek was baie lief vir rymklets maar dit het nooit by my gekom dat ek kon dit myself doen nie. My jonger broer het eendag met die idea gekom dat ons probeer om te rap. In 1997 het ons ons eerste track geskryf en van daar af het als plek gevat. Rymklets was terapeuties vir my want op die verhoog het ek NIE meer ‘n spraak probleem gehad nie en dit het my laat besef dat as ‘n normale mens het ek nie ‘n stem nie, maar as n rymkletser het ek ‘n stem gehet vir myself en ek kon praat(klets) met vryheid….. Dit het my ook laat besef dat nou het ek ‘n stem vir die wat nie ‘n stem het vir hul self nie. Rymklets is vryheid en almal nodig vryheid, either deur die boodskap te bring of deur die boodskap te hoor deur rymklets.”

Dokter Kapnoudis
“Ek het nie n spesifieke rede hoekom ek Rymklets, skryf en beats bou nie, want ekt besef van kindsbeen af Spoeg is my roeping. Ek maak deeltyds musiek, en geniet dit tot die mag 6, dis deel van my so ek leef dit. Dis nie n geloof nie, dis n kultuur met subdivisies en solank ek my divisie cover as king het ek nie kak nie. Maar die droom bly om dit voltyds te doen, en om vergoeding te verg. Rymklets is hoe ek myself uitbeeld, feit gewys of met aangedrewe fiksie. Rymklets om te operate, soos die Dokter moet.”

Lee Ursus
“Dis  ‘n interessante vraag – hoekom rymklets ek? Eerstens omdat ek dit nie vir myself kan antwoord nie & dalk omdat ek nie werklik daaroor dink nie. Ek skryf nie genoeg, nog minder gereeld om myself as n ‘rapper’ te beskou nie. Want om jouself werklik ‘n dj, graff writer ens. te noem, moet mens sekerlik tot op ‘n punt / stadium kan ‘show & proof …? Persoonlik, was ek al betrokke in paar dinge …voor die tyd & dis bloot wat dit was – voor die tyd & ‘times change’! So, dit alles gesê vind ek die ‘rap discussion’ interessant want soos jy verwys na jou vorige artikel “’n Rymklets Satire” en die kategorie se lys van ‘rappers’ , kan ek myself soort van, in elk sien. Tog voel ek ook dat my ‘contemparies’ hoort te weet ‘what time it is’. Respek aan ieder & elk wat dit doen maar tog meer spesifiek aan die ouens wat nogal die ‘kunsvorm’ n eerbare ding hou!

Baie dankie vir almal se deelname. Ek hoop regtig dat ons die Afrikaanse Rymklets beweging verder kan uitbou deur die interaksie lewend te hou.

Ek sluit af met ‘n quote van Steve Maraboli; “When you are living the best version of yourself, you inspire others to live the best versions of themselves.”

17 June 2015 News Read more

N RYMKLETS SATIRE – Frazer Barry #dierymkletstroebadoer

“Dit is beter om jouself uit te lag as wat jy huil oor jouself. As jy nog nie geleer het om vir jouself te lag nie, het jy nog nooit geleef nie.”  Lucius Annaeus Seneca

Afrikaans Rymklets was in sy bestaan nog nooit so sigbaar soos nou nie. Wat ek egter interessant vind is hoe ons as rymkletsers onsself dra en hoe ons dinge doen. Die rymklets gemeenskap is ‘n wonderlike plek vol dydelike karakters en persoonlikhede. Hier lewe ons, hier gaan ons dood en hier streef om om ons drome en ons stem te laat geld deur die woordkuns na diegene te neem wat gewillig is om na ons te luister.

Dit het my ge-inspireer om so bietjie navorsing te doen oor hoe ons as rymkletsers ons ding doen. Ek het opgeindig met drie kategoriee wat ek opgebreek het. Ek wil dit net duidelik maak dat julle glad nie hierdie kategoriee ernstig moet opneem nie, maar miskien, net miskien sien jy jouself raak of miskien sien jy iemand anders raak. Hiermee poog ek ook nie om rymkletsers vir ‘n gat te vat nie want dan sal ek myself vir ‘n gat vat.

Die doel van hierdie skrywe is reeds om gesonde gesprek te voer oor hoe ons onsself en ander sien in die bree Rymkletsgemeenskap. As jy egter tot by die einde lees en kwaad is vir my, dan moet jy gerus die quotes van Lucius hierbo en Tupac hieronder lees sodat jy die konteks kan verstaan!

Afrikaans Rymklets musikante val in ‘n paar verskillende kategoriee; of nie…

1. Die Facebook Rapper:
a) Hierdie kunstenaar maak musiek in sy slaapkamer of sy Ma se kamer of sy suster sin, of hy stiek yt by sy bra wat ‘n bra ken wat ‘n home studio het.
b) Sy Facebook status gaan die hele tyd oor hoe kwaai hy is of hoe kwaai die crew is waarmee hy uithang. Hy is gewoonlik die beste en jy gaan nou van jou Ma se binnegoed hoor as jy met hom of hulle verskil.
c) Die Facebook Rapper laat weet vir almal dat hy gaan uitstiek by die Parkjams  maar dan laat weet hy sy Pitbull het kleintjies gekry, so hy kon dit nie maak nie. Wanneer hy uitstiek het hy nie ‘n backtrack nie want sy backtrack is by die producer wie se PC gecrash het en nou gaan hy maar op enige beat rap wat die DJ spin. Hy doen nie gereeld Parkjams nie en wanneer hy die dag dit doen, hou hy die MIC onderstebo vas.
d) Wanneer die Facebook rapper uiteindelik ‘n number het, dan bom hulle elke so-called rapmusic lover en vriend se Facbook page sonder om te vra. Almal word getag en ge-inbox…en dis waar die moeilikheid begin.
e) Die Facebook rapper is passievol oor sy kuns maar hy ken nie meer die verskil tussen Cyberspace en Realiteit nie.
f) Die Facebook Rapper is baie dramaties en leef vir likes op sy Facebook status.
g) Die Facebook rapper maak baie diss songs en hy diss gewoonlik die emcee vir wie hy die meeste bewondering het.
h) Die Facebook rapper neem baie selfies maar post net dit waar hy oulik lyk vir homself.
i) Die Facebook rapper verklaar homself die beste maar hy word nie ernstig opgeneem nie omdat slegs twee ander persone daaroor saamstem.
j) Jy hoef nie te betaal vir die Facebook rapper se musiek nie want dit word op grootskaal vervaardig soos die made in China kwaliteit.
k) Hy raak excited wanneer daar 200 downloads in twee dae op datafile host is, al kan datahost file nie grondige bewyse gee van daai 200 downloads se stats nie.

2. Die Parkjam Rapper
a) Hierdie kunstenaar maak ook musiek in iemand se slaapkamer. Somtyds is dit sy eie en dan noem hy dit ‘n record-company.
b) Hy is gatvol om ‘n Facebook Rapper te wees en spandeer sy tyd om features te jag met die facebook rappers wat die meeste likes kry of altyd met hom saamstem.
c) Die Parkjam Rapper voel sleg as sy naam nie op die poster is nie en bitch en moan die hele tyd daaroor. Wanneer sy naam op die poster is, share hy dit elke halfuur of vyf minute.
d) Die Parkjam Rapper hitchhike gereeld na Parkjams toe as hy nie vervoer het nie. As hy dit nie maak nie dan blameer hy die lift clubs, alhoewel hy lank voor die tyd geweet het van die Park Jam.
e) Parkjam Rappers is passievol oor hul events, veral as dit in hul omgewing is promote hulle dit like hell.
f) Parkjam Rappers voel hulle is die eintlike Hip Hop gods want hulle leef Hip Hop en praat nie net Hip Hop nie.
g) Parkjam Rappers tree sowat een keer of somtyds tot sowat vyf keer vir die jaar by ‘n Parkjam op.
h) Hulle is kwaad vir die radio stasies as hulle musiek nie gespeel word nie en hulle is nog kwater vir die emcees wie se musiek gespeel word.
i) Parkjam Rappers voel dat hulle die real Hip Hop musiek maak en nie sell outs is soos die Hip Hop gods nie.
j) In die geheim wil Parkjam Rappers graag famous wees, maar hulle diss ander wat so bietjie meer fame as hulle strike.
k) Parkjam Rappers voel dat hulle die definisie is van die ware Hip Hoppers en dat dit ‘n sonde is as die emcees betaling vra vir hul hip hop.

3. Die Hip Hop gods
a) Die Hip Hop gods het hulself aangestel.
b) As die Hip Hop gods nie ‘n debate op social media kan wen nie, noem hulle dat dit hulle Facebook page is en ook hulle opinies is en dat elke mens entitled is op hul eie opinie.
c) Hulle alleen weet wat Hip Hop is en wat dit nie is nie.
d) Hulle alleen besluit wie se musiek dope is en wie s’n wack is.
e) Die Hip Hop gods maak seker dat die Facebook Rapper in lyn gehou word op Facebook.
f) Al die Hip Hop gods prys mekaar se musiek al is dit wack.
g) Die Hip Hop gods dink hulle is die Hip Hop gods, maar die ParkJam en Facebook Rapper dink nie so nie.
h) Die Hip Hop gods verklaar hulself as die beste en debate gereeld oor die top emcee’s maar niemand stem saam nie.
i) Die ouens gee nie eintlik om oor die status quo nie en doen hul eie ding.
j) Kom nie altyd meer so gereeld by die Park Jams uit nie, maar hulle vind maniere om dit te ondersteun.
k) Die hip hop gods fokus op die besigheidsaspek van sy musiek en begin meer betaalde gigs te kry of so lyk dit…

Ek eindig af met ‘n quote van Tupac Shakur

“Don’t believe everything you hear. Real eyes, Realize, Real lies.”

8 June 2015 News Read more

1 2 3 5

Log In

Google+
BLY OP DATUM!

Bly op datum met alles wat rymklets mal is! Nuwe musiek & nuus! Kom nou waarvoor wag jy?!

Ons deel inligting met niemand nie.
x